| पनवेल | वार्ताहर |
महिला पायी घरी जात असताना त्यांच्या सोसायटीच्या आत येवून त्यांना दुखापतकरून त्यांच्या गळ्यातील सोन्याची साखळी जबरदस्तीने खेचून मोटार सायकलवरुन दोघेजण पसार झाल्याची घटना पनवेल शहरात घडली आहे.
शहरातील डॉ.बाबासाहेब आंबेडकर रोड येथील पनवेल सिटी सेंटर बिल्डींग येथे 63 वर्षीय सुजाता ठक्कर या आपल्या घरी जात असताना त्यांच्या सोसायटीच्या आत येवून दोन अज्ञात इसमांनी त्यांच्या गळ्यात असलेली दिड लाख रुपये किंमतीची सोन्याची चेन खेचून ते मोटार सायकलवरुन पसार झाले आहेत. याबाबतची तक्रार पनवेल शहर पोलीस ठाण्यात करण्यात आली आहे.