मुंबई न्यायालय : आई-वडील असताना मुलाचा मालमतेवर हक्क नाही

। मुंबई । वृत्तसंस्था ।
जोपर्यंत आई-वडील आहेत, तोपर्यंत मुलाला त्यांच्या मालमत्ते ,प्रॉपर्टी वर कोणताही हक्क सांगता येणार नाही, असा महत्वपूर्ण निर्णय मुंबई उच्च मुंबई न्यायालया ने एका प्रकरणात दिला आहे. आजारी पतीच्या उपचार खर्च उभा करण्यासाठी महिलेने पतीच्या नावावरील फ्लॅट विकायचे ठरवले. तिच्या या निर्णयाला मुलाने विरोध केल्यामुळे हे प्रकरण उच्च न्यायालयात गेले. न्यायालयाने मुलाचा दावा फेटाळून लावत त्याला मोठा दणका दिला आणि याचिकाकर्त्या महिलेला दिलासा दिला. तिला पतीचा फ्लॅट विकण्यास परवानगी दिली.

न्यायमूर्ती गौतम पटेल आणि न्यायमूर्ती माधव जामदार यांच्या खंडपीठासमोर या प्रकरणाची सुनावणी झाली. याचिकाकर्त्या सोनिया खान यांनी त्यांच्या पतीची मालमत्ता विकायचे ठरवले होते. मात्र त्यांच्या या निर्णयाला मुलाने विरोध केला होता. सोनिया खान यांना पतीच्या सर्व संपत्तीचे कायदेशीर पालक बनायचे होते. त्यांचा पती अनेक दिवसांपासून आजारी आहे. पण सोनिया यांच्या याचिकेला मुलगा आसिफ खानने विरोध केला. वडिलांचा फ्लॅट विकण्याच्या निर्णयावर त्याने आक्षेप घेतला. आजारी पित्याचा उपचार खर्च उचलण्यासाठी आईकडे इतर पर्याय आहेत. यासाठी फ्लॅट विकण्याची गरज नाही, असे म्हणणे आसिफच्या वकिलांनी मांडले. या युक्तिवादातून आसिफची द्वेषभावना दिसून आली आहे, असे निरीक्षण नोंदवत न्यायालयाने पतीची संपत्ती विकण्यास याचिकाकर्त्या सोनिया यांना परवानगी दिली. हा निकाल मुलगा असिफसाठी मोठा दणका देणारा ठरला वडिलांचा फ्लॅट विकण्यास विरोध करणाऱ्या मुलाला फटकारले
न्यायमूर्ती गौतम पटेल आणि न्यायमूर्ती माधव जामदार यांच्या खंडपीठाने या प्रकरणातील मुलाची चांगलीच कानउघाडणी केली. जोपर्यंत आई-वडील हयात आहेत, तोपर्यंत मुले आईवडिलांच्या मालमत्तेवर हक्क सांगू शकतात, असे वारसा हक्क कायद्यात कुठेही लिहिलेले नाही, असेही न्यायालयाने यावेळी सुनावले. आई जिवंत आहे, वडील जिवंत आहेत. अशा स्थितीत नात्याने मुलगा असलात तरी तुमचा वडिलांच्या मालमत्तेवर शून्य हक्क आहे. वडिलांना त्यांची मालमत्ता विकण्यासाठी तुमच्या परवानगीची गरज नाही. ते त्यांची मालमत्ता विकू शकतात. समजले का, अशा शब्दांत मुलाची कानउघाडणी करीत न्यायालयाने मुलाचा वडिलांच्या मालमत्तेवरील दावा मान्य करण्यास नकार दिला.