गुंजार पाटील यांच्या पुस्तकांचे प्रकाशन

। उरण । वार्ताहर ।
उरण, नवघर येथे गुंजार पाटील यांच्या टाटा आणि प्रामिस इज अ प्रामिस या दोन पुस्तकांचे प्रकाशन शिवव्याख्याते प्रशांत देशमुख यांच्या हस्ते झाले. यावेळी देशमुख म्हणाले की, गुंजार यांची दहा पुस्तके प्रकाशित असून त्यांच्या लेखनाची ताकद उत्तम आहे. या कार्यक्रमाचे अध्यक्ष संजय गुंजाळ होते. साहित्यिक ए.डी.पाटील, पत्रकार गणेश कोळी, डॉ.राजेंद्र राठोड, अ‍ॅड.गोपाळ शेळके, कवयित्री ज्योत्स्ना राजपूत, प्रा.आर.के.म्हात्रे, नाटककार मच्छिंद्र म्हात्रे, शाहीर मोरेश्‍वर म्हात्रे आदी साहित्यिक उपस्थित होते.

यावेळी लेखक गुंजार यांनी आपल्या मनोगतात सांगितले की, टाटा, या ग्रुपचे देशासाठी असलेले प्रचंड योगदान आणि गरिबांसाठी दिलेल्या वचनातून नॅनोची निर्मिती यामुळे मी या इंग्रजी आणि मराठी या भाषांमध्ये पुस्तके प्रसिद्ध केली. या कार्यक्रमाचे प्रास्ताविक गंधार पाटील तर स्वागत रायगडभूषण प्रा.एल.बी.पाटील यांनी केले.