पोलादपूर शहरातील तरूणाची आत्महत्या
| पोलादपूर | प्रतिनिधी |
मुंबई-गोवा राष्ट्रीय महामार्गालगतच्या मंगलमुर्ती अपार्टमेंटमध्ये एका तरूणाने गळफास घेऊन आत्महत्या केल्याने शहरात हळहळ व्यक्त होत आहे. यश अनंत चिकणे असे या 18 वर्षीय तरूणाचे नाव असून त्याच्या आत्महत्येचे कारण अद्याप समोर आले नाही.
पोलादपूर शहरामध्ये आजूबाजूच्या गावांतून अनेक कुटूंबांनी उदरनिर्वाह आणि पाल्यांच्या शिक्षणानिमित्त वास्तव्य केले आहे. यश चिकणे याला स्वावलंबी जीवन जगण्यासाठी काही व्यवसाय धंद्यांसाठी तरूणपणापासूनच इच्छा होती. मात्र, यासाठी तो प्रयत्नशील असतानाच अचानक त्याच्या आत्महत्येमुळे सर्वांनाच धक्का बसला आहे. मंगलमुर्ती अपार्टमेंट येथील सदनिकेमध्ये यश याने गळफास घेऊन आत्महत्या केल्याचे सोमवारी (दि.11) सायंकाळी साडेसात वाजण्याच्या सुमारास आढळून आले.
पोलादपूर पोलीस ठाण्याचे सहायक पोलीस निरिक्षक युवराज म्हसकर आणि कर्मचारी यांना घटनेची खबर मिळताच त्यांनी तातडीने घटनास्थळी धाव घेऊन पंचनामा केला. मंगळवारी सकाळी शवविच्छेदनानंतर यशचे प्रेत त्यांच्या नातेवाईकांकडे सोपविण्यात आले.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.