जहाजांची हाताळणी करणे होणार सुलभ
जेएनपीटी | वार्ताहर |
जवाहरलाल नेहरू पोर्ट ट्रस्टने (जेएनपीटी), नव्याने बनवलेल्या किनारपट्टी धक्क्यावर चाचणी ऑपरेशनला सुरूवात केली आहे. जेएनपीटीचे अध्यक्ष संजय सेठी, जेएनपीटीचे चेअरमन उन्मेश शरद वाघ यांच्या उपस्थितीत ओएनजीसी ऑफशोअर सप्लाय व्हेसल (ओएसव्ही) च्या ग्रेटशिप धृती या जहाजाच्या हाताळणीसह शुक्रवार, दि.9 पासून प्रथम चाचणी सुरू करण्यात आली आहे.
किनार्यांवरील मालवाहतुकीला चालना देण्यासाठी जेएनपीटीने बंदरे, नौवहन आणि जलमार्ग मंत्रालयाच्या ‘सागरमाला’ कार्यक्रमांतर्गत किनार्यावरील नौदलासाठी समर्पित धक्के बांधण्याचे प्रकल्प हाती घेतले आहेत. किनारपट्टी धक्क्याचे बांधकाम नोव्हेंबर 2020 मध्ये पूर्ण झाले. या धक्क्यामुळे किनार्यावरील शिपिंग आणि हाताळणी सुलभ होईल. रेल्वे व रस्ते नेटवर्कसाठी चांगली पायाभूत सुविधा उपलब्ध होतील, ज्यामुळे खर्चात बचत होऊन प्रतिस्पर्धी आणि प्रभावी बहुमॉडेल वाहतूक विकसित होण्यास मदत होणार आहे.
जेएनपीटी येथील किनारपट्टी धक्क्यात ब्रेक बल्क, ड्राई बल्क इत्यादी तब्बल 2.5 दशलक्ष टन मालवाहतूक करणे अपेक्षित आहे. मालवाहू स्टोरेज 11 हेक्टरमध्ये गोदाम आणि यार्ड उभारणी करण्यात येणार आहेत. जेएनपीटी एक्झिम समुदाय आणि भागधारकांना त्यामुळे आर्थिक कार्यक्षमता येणार आहे.